LOCAL DA GIUVENTETGNA
Il
Il local da giuventetgna dalla LGB ei per affons e giuvenils da tut las fracziuns dalla vischnaunca da Breil.
El local - magasin XL a Danis - saveis passentar temps e sentupar cun collegas en atmosfera patgifica. Ella zona aviarta stattan a disposiziun in ballapei a meisa, air hockey ni biliard, dart, giugs da meisa da tuttas sorts e biaras autras caussas.
Cheu anfleis vus cussegl tier damondas e problems - la luvrera da giuventetgna ei contonschibla sut 078 210 10 97. Ultar da quei havein nus ell'infoteca dil local in'entira massa material d'informaziun e numras da contact.
Il program dallas activitads baghegia sin voss'iniziativa, sedrezza suenter voss basegns e giavischs e vus saveis cumplettar el cun vossas ideas.
En collaboraziun cun la luvrera da giuventetgna organiseis vus in excursiun ni in occurenza finala.
encuretg Pil local:
- meisa da ping pong
- toaster per smaccaidenter
Stan actual:
Sco finiziun da quei onn da LGB mein nus a grillar. La stad ei il local aviarts tenor basegn/giavisch dils affons e giuvenils.
Il local ei aviarts per scolaras e scolars dalla superiura il venderdis naven las 17:00-20:00 uras.
La 5. e 6. classa astga 1x al meins nezzegiar il local mesjamna suenter miezdi naven las 14:00-17:00 uras (mira sut "calender e termins").
Occurenzas specialas han per regla liug la sonda ni dumengia.
Sur il chat dalla LGB survegnis informaziuns actualas ed a cuorta vesta. Tgi che ha negin telefonin sa annunziar quei e vegn informaus da conscolars ni dalla responsabla dalla lavur da giuventetgna.
KIOSK
duront il temps da Corona negin self service
ei dat adina puspei auters dultschergnems e snacks. la gliesta da prezis vegn actualisada el local
REGLAS
Il local da giuventetgna ei per nus affons e giuvenils denter 11 e 18
onns dalla vischnaunca da Breil. Cheu savein nus sentupar, star da
cumpignia, far experienzas, esser creativs e haver spass
Nus sentupein cun respect
Nus fagein uorden cun nossas caussas e lavein giu sez nossa vischalla
duvrada
Vehichels che fan canera (mopets, töffs, quats ea) parchein nus avon il local
Nus s’inscrivin ni vegnin screts en tier mintga viseta ella gliesta da
presenza
Nus filmein e fotografein buca auters senza lur lubientscha
Duront aura bletscha tergin nus ora ils calzers
Nus consumein bu alcohol, nicotin e drogas avon e duront las sentupadas
el local
Il local surpren negina responsabladad per garderoba e objects da valur
Mintga affon/giuvenil sto haver ina segirada da responsabladad
Tgi che setegn buca vid las reglas sto purtar las consequenzas (p. ex. pli
paucas pusseivladas e libertads el local tochen tier scamond da local)
